Halal daw!

Haram at Halal sa Islam

Ang kabatiran sa Halal at Haram ay hindi na lingid sa kaalaman ng tao, noon pa mang sinaunang panahon.

Ganyunpaman ang tao ay nagkaroon ng iba’t-ibang pakahulugan tungkol sa lawak, uri at dahilan ng pagbabawal. Karamihan dito ay bunga ng sinaunang paniniwala, pamahiin at kathang-isip.

Sa ganitong kalagayan ay dumating ang banal na kapayahagang pananampalataya, taglay ang batas at pag-uutos na may kinalaman sa Halal at Haram, upang maitaas ang antas ng sangkatauhan mula sa mga maling paniniwalang kinagisngan tungo sa kagalang-galang na kalalagayan na angkop sa pananatili ng tao.

Ganoon pa man, sa mga naunang kapahayagan (bago ang Islam) ay may mga umiiral na pagbabawal at mga kapahintulutan na pansamantalang isinabatas ayon sa kalalagayan at kapaligiran ng tao.

May mga Haram noon, Halal na ngayon

Ipinagbawal ng Allah ang ilang mabubuting bagay sa mga Israelitas bilang kaparusahan sa kanilang pagiging suwail. Pagkatapos noon ay sinabi nang Propeta Hesus (as) sa mga tao na:

“Ako ay ipinadala upang magpatotoo sa kapahayagang nauna sa akin (Taurat) at gawing makatarungan sa inyo ang ilang bagay na ipinagbawal sa inyo.” [Surah Al Imran 3:50]

At nang marating na ng sangkatauhan ang antas ng kaganapan ng talino, at handa ng tumanggap ng huling kapahayagan mula sa Allah – dumating ang Islam na taglay ang kabuuan, kalawakan at walang hanggang batas (Shari’ah) para sa buong sangkatauhan. At alinsunod sa bagay na ito, matapos maipahayag ng Allah ang pagbabawal sa mga pagkaing di-kanais-nais – sinabi ng Allah:

“Sa araw na ito ay aking ginawang ganap ang inyong relihiyon, at nilubos ang tulong sa inyo, at pinili ang Islam na inyong maging relihiyon.” [Surah Al Maidah 5:3]

Mga panuntunan hinggil sa Halal at Haram

1. Ang hindi mapag-aalinlangang pinagmulan o pinagkunan (Qur’an o Sunnah) ay batayan sa pagpapahintulot sa mga bagay.

2. Ang pagpapahintulot at pagbabawal ay tanging karapatan lamang ng Allah.

3. Ang pagbabawal sa Halal at pagapapahintulot sa Haram, ay katulad ng pagsasagawa ng Shirk.

4. Ang pagbabawal sa mga bagay ay dahilan sa karumihan at kapinsalaan.

5. Ang Halal ay sapat na; at ang Haram ay kalabisan.

6. Anumang bagay na magbibigay daan sa Haram ay maituturing na Haram.

7. Ipinagbabawal ang maling pagsasalarawan sa Haram upang mapalabas na Halal.

8. Ang mabuting layunin ay hindi dahilan upang matanggap ang Haram.

9. Ang mga bagay na nakapagdududa ay dapat iwasan.

10. Ang Haram ay ipinagbabwal sa kanino pa man.

11. Ang mahigpit na pangangailangan ay nagbibigay pahintulot sa pagsasagawa ng Haram.